ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

ເລີ່ມກໍ່ສ້າງເຂື່ອນໄຟຟ້ານ້ຳຕົກນ້ຳໄພ


2017-03-26

ເລີ່ມກໍ່ສ້າງເຂື່ອນໄຟຟ້ານ້ຳຕົກນ້ຳໄພ

  ໂຄງການກໍ່ສ້າງເຂື່ອນໄຟຟ້ານ້ຳຕົກຂະໜາດນ້ອຍ 2,5 MW ນ້ຳໄພ ເຂດບ້ານນາແຍ້ ເມືອງວັງວຽງ ແຂວງວຽງຈັນ ໄດ້ຮັບການ ລົງມືກໍ່ສ້າງແລ້ວ ພາຍຫຼັງທີ່ເຊັນບົດບັນທຶກຄວາມເຂົ້າໃຈ (MOU) ຮ່ວມກັນໃນຄັ້ງວັນທີ 24 ກຸມພາ 2014 ຜ່ານມາ.
   ທ່ານ ບົວທອງ ໄຊປັນຍາສິດ ປະທານບໍລິສັດບົວທອງນ້ຳໄພພາວເວີຈຳກັດຜູ້ດຽວ ໄດ້ກ່າວໃນພິທີເຊັນສັນຍາຄຸ້ມຄອງໂຄງການ ກໍ່ສ້າງເຂື່ອນດັ່ງກ່າວລະຫວ່າງອຳນາດການປົກຄອງແຂວງວຽງຈັນກັບບໍລິສັດບົວທອງນ້ຳໄພພາວເວີ ເມື່ອເດືອນພະຈິກຜ່ານມາວ່າ: ພາຍຫຼັງທີ່ເຊັນສັນຍາບໍລິສັດຂອງຕົນໄດ້ເລີ່ມສ້າງບົດວິພາກເສດຖະກິດ ແລະ ກະກຽມເງື່ອນໄຂຕ່າງໆ ແລະ ເລີ່ມປະຕິບັດໂຄງ ການດັ່ງກ່າວຄາດວ່າຈະໃຊ້ງົບ ປະມານທັງໝົດ 5.999.999 ໂດລາ ແລະ ໃຫ້ສຳເລັດໃນ ທ້າຍປີ 2015 ຈະມາເຖິງ.
   ຮ່ວມລົງນາມເຊັນສັນຍາການຄຸ້ມຄອງເຂື່ອນໄຟຟ້າໃນຄັ້ງນີ້ຝ່າຍອຳນາດການປົກຄອງແຂວງວຽງຈັນໂດຍແມ່ນ ທ່ານ ອຸດົງ ພົງ ໄພປະດິດ ຫົວໜ້າພະແນກແຜນການ ແລະ ການລົງທຶນແຂວງວຽງຈັນ, ຝ່າຍບໍລິສັດລົງນາມ ໂດຍທ່ານ ບົວທອງ ໄຊປັນຍາສິດ ປະ ທານບໍລິສັດບົວທອງນ້ຳໄພ ພາວເວີຈຳກັດຜູ້ດຽວ ພ້ອມນີ້ ບໍລິສັດດັ່ງກ່າວຍັງໄດ້ມອບ ເງິນຈຳນວນ 10 ລ້ານກີບ ເພື່ອ ຊຸກຍູ້ກິລາແຂວງວຽງຈັນເຂົ້າ ຮ່ວມມະຫະກຳກິລາແຫ່ງຊາດ ຄັ້ງທີ 10 ທີ່ແຂວງອຸດົມໄຊເປັນເຈົ້າພາບ. ເຂົ້າຮ່ວມເປັນສັກຂີ ພິຍານເຊັນສັນຍາຄັ້ງນີ້ມີ ທ່ານ ພົນຈັດຕະວາ ພາລົມ ລິນທອງ ຄະນະພັກກະຊວງປ້ອງກັນປະເທດ, ຫົວໜ້າການເມືອງວິທະ ຍາຄານທະຫານບົກກົມມະດຳ, ທ່ານ ສົມດີ ແກ້ວດາລາ ວິນ ກຳມະການພັກແຂວງ ຜູ້ປະຈຳການສະພາແຫ່ງຊາດ ເຂດ 10 ແຂວງວຽງຈັນ ພ້ອມດ້ວຍພະນັກງານທີ່ກ່ຽວຂ້ອງທັງສອງຝ່າຍເຂົ້າຮ່ວມ ແລະ ລົງນາມເປັນສັກຂີພິຍານນຳດ້ວຍ.
(ໂດຍ: ບຸນເລີດ ໄຊຍະສານ)