ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

ນຳສະເໜີຜະລິດຕະພັນນ້ຳມັນ ພະລັງງານທົດແທນ E85


2014-08-14

ນຳສະເໜີຜະລິດຕະພັນນ້ຳມັນ ພະລັງງານທົດແທນ E85
ວັນທີ 14 ສິງຫາ 2014 - ເວລາ 10:35:31 ສົ່ງຂ່າວນີ້ໃຫ້ເພື່ອນ ພິມຂ່າວນີ້ 
  
Divider
ນຳສະເໜີຜະລິດຕະພັນນ້ຳມັນ ພະລັງງານທົດແທນ E85

ພິທີ​ນຳ​ສະເໜີ​ຜະລິດ​ຕະພັນ​ນ້ຳມັນ​ ພະລັງງານ​ທົດແທນ​ຍີ້​ຫໍ້ MAXIMA E85 ແລະ ຜະລິດ​ຕະ​ພັນ​ອື່ນໆກ່ຽວ​ກັບ​ນ້ຳມັນ ໄດ້​ມີ​ຂຶ້ນ​ວັນທີ 12 ສິງຫາ 2014 ຢູ່​ໂຮງແຮມ​ດາວ​ຄຳ ນະຄອນຫຼວງວຽງ​ຈັນ ໂດຍ​ມີ​ທ່ານ ມະໂນຮັກ ຣາ​ຊະ​ຈັກ ຫົວໜ້າ​ກົມອຸດສາຫະກຳ ແລະ ຫັດຖະກຳ ທ່ານ ຈັນໂທ ມີ​ລັດ​ຕະນະ​ແພງ ຮອງ​ຫົວໜ້າ​ສະ​ຖາບັນ​ສົ່ງເສີມ​ພະລັງງານ​ທົດ​ແທນ ພ້ອມ​ດ້ວຍ​ຜູ້​ບໍລິຫານກຸ່ມ​ບໍລິສັດ ສີ​ຈະເລີນກໍ່ສ້າງ ຈຳກັດ ກຸ່ມ​ບໍລິສັດ ສະຫຍາມເຄ​ມີ ຈຳກັດ (ປະເທດ​ໄທ) ແລະ ແຂກ​ຖືກ​ເຊີນ​ເຂົ້າ​ຮ່ວມ.

ທ່ານ ຈັນ​ທອງ ຫົງ​ຄຳ ຕາງໜ້າ​ກຸ່ມ​ບໍລິສັດ​ ສີ​ຈະເລີນກໍ່ສ້າງ ໄດ້​ກ່າວ​ວ່າ: ປັດຈຸບັນ ການ​ນຳໃຊ້​ພະລັງງານ​ທີ່​ເປັນ​ເຊື້ອ​ໄຟ​ແມ່ນມີ​ຄວາມ​ຕ້ອງການ​ຫຼາຍ​ຂຶ້ນ ໂດຍສະເພາະ ແມ່ນ​ປະເທດ​ທີ່​ກຳລັງພັດທະນາ ສະນັ້ນ ໂດຍ​ເຫັນ​ໄດ້ຄວາມ​ສຳຄັນ​ຂອງ​ການ​ນຳ​ໃຊ້​ພະລັງ​ງານ​ທົດ​ແທນ ສະນັ້ນ ກຸ່ມ​ບໍ​ລິສັດ​ ສະຫຍາມ​ເຄ​ມີ ຈຶ່ງ​ໄດ້​ຄິດ​ຄົ້ນ ແລະ ຜະລິດ​ພະລັງງານ​ທົດ​ແທນຈາກ​ພືດ​ກະສິກຳເຊັ່ນ: ອ້ອຍ ມັນຕົ້ນ ແລະ ອື່ນໆ​ໃຫ້​ເປັນ​ພະລັງງານ​ທົດ​ແທນ​ຄື E85 (ແອັກ​ເທີ​ນໍ E85) ທີ່​ສາມາດ​ໃຊ້​ແທນ​ນ້ຳມັນແອັດ​ຊັງ ທີ່​ສຳຄັນ E85 ຍັງ​ສາມາດ​ຜະລິດ​ໄດ້​ໃນ​ຂົງເຂດ​ອາຊີ​ຕາເວັນ​ອອກສຽງ​ໃຕ້ ແລະ ​ສປປ ລາວ ກໍ່​ເປັນ​ປະເທດ​ໜຶ່ງ​ທີ່​ມີ​ວັດຖຸ​ດິບ​ຫຼາຍ​ທີ່​ສຸດ.

E85ສາມາດ​ປັບປຸງ​ໄປ​ນຳໃຊ້​ໃນ​ອຸດສາຫະກຳ​ເປັນ​ອາຍແກັສ ນຳ​ໃຊ້​ໃນ​ການ​ແຕ່ງ​ອາຫານ ແລະ ອື່ນໆ ໂດຍ​ມີ​ລາຄາຖືກ ແລະ ປະຢັດ E85ທີ່​ກຸ່ມ​ບໍ​ລິສັດ​ ສະຫຍາມ​ເຄ​ມີ ຜະລິດ​ອອກມາ​ ໄດ້​ສົ່ງ​ໄປ​ຈຳໜ່າຍ​ທົ່ວ​ປະເທດໄທ ແລະ ບາງ​ປະເທດ​ໃນ​ອາຊີ ໃນ​ນີ້ ມີ​ພຽງ 4ປະເທດ​ເທົ່າ​ນັ້ນ ທີ່​ຜະລິດ​ໄດ້ຄື: ສ.ອາ​ເມ​ຣິ​ກາ ບຣາ​ຊິນ ກຸ່ມ​ປະເທດ​ເອີ​ຣົບ ແລະ ປະເທດ​ໄທ ປັດຈຸບັນ E85ມີ​ຕົ້ນທຶນ​ການ​ຜະລິດ​ຕ່ຳ ເຊິ່ງ​ອະນາຄົດຈະ​ເປັນ​ທາງ​ເລືອກ​ທີ່​ເໝາະ​ສົມ​ທີ່ສຸດ​ ໃຫ້​ກັບ​ບັນດາ​ປະເທດ​ອາ​ຊຽນ ໂດຍ​ສະເພາະ​ການ​ເຂົ້າ​ເປັນ​ປະຊາ​ຄົມ​ເສດຖະກິດ​ອາ​ຊຽນ (AEC) ໃນ​ປີ 2015ນອກ​ນີ້ຍັງເປັນ​ການ​ສ້າງ​ຖານ​ການ​ຜະລິດ ສົ່ງເສີມ​ຊາວ​ກະສິກອນ​ໃນ​ການສ້າງ​ລາຍ​ຮັບ ແລະ ສ້າງ​ເສດຖະ​ກິດ​ພາຍ​ໃນ​ໃຫ້​ເຂັ້ມແຂງ​ ທາງດ້ານ​ພະລັງງານ​ທົດ​ແທນ​ອີກດ້ວຍ.