ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

ມອດໄຟຟ້າ 60 ນາທີ ເພື່ອຫຼຸດຜ່ອນໂລກຮ້ອນ


2017-03-27

ໂຄງການ “Earth Hour” ໄດ້​ເລີ່ມ​ຕົ້ນ​ຂຶ້ນ​ປີ 2017 ທີ່​ນະຄອນຊິດ​ນີ ປະເທດອົດ​ສະ​ຕຣາ​ລີ ມີ​ການ​ມອດ​ໄຟ​ເປັນ​ເວລາ 60 ນາທີ ຄົນ​ທີ່​ເຂົ້າ​ຮ່ວມ​ໂຄງການ 2,2 ລ້ານ​ຄົນ ຮ່ວມ​ກັນ​ມອດ​ໄຟຟ້າ ແລະ ສາມາດ​ຫຼຸດ​ການ​ປ່ອຍ​ອາຍ​ກາກ​ບອນ​ລົງ ເທົ່າ​ກັບ​ຫຼຸດ​ຈຳນວນ​ລົດ​ໃນ​ຖະໜົນ​ໄປ​ເຖິງ 48.000 ຄັນ ຫຼື ຊ່ວຍ​ຫຼຸດ​ປະລິມານ​ໄຟ​ຟ້າລົງ 10% ເມື່ອ​ທຽບ​ກັບ​ໄລຍະ​ເວລາ​ປົກກະຕິ.

ບໍລິສັດ ​ເບຍ​ລາວ ​ໄດ້​ເຂົ້າ​ຮ່ວມ​ໂຄງການ Earth Hour ປີ​ນີ້​ເປັນ​ປີ​ທີ 6 ແລ້ວ ເຊິ່ງ​ເປັນ​ການ​ປະກອບສ່ວນ​ໃນ​ການ​ຮັກສາ​ສະພາບ​ແວດ​ລ້ອມ ປະຈຳ​ປີ 2017 ດັ່ງນັ້ນ ຈຶ່ງ​ຂໍ​ເຊີນຊວນ​ທຸກ​ຄົນ​ເຂົ້າ​ຮ່ວມໂຄງການ “Earth Hour 2017” “60 ນາທີ ເພື່ອ​ປົກ​ປັກ​ຮັກສາ​ໂລກ​ຂອງ​ເຮົາ​ຮ່ວມ​ມື​ຮ່ວມ​ໃຈ​ມອດ​ໄຟ​ຫຼຸດ​ໂລກ​ຮ້ອນໃນ​ວັນ​ທີ 25/3/2017 ເວລາ 20:30-21:30 ໂມງ ບໍລິສັດ​ ເບຍ​ລາວ ​ໄດ້​ເຂົ້າ​ຮວມ​ໂຄງການ​ກັບ​ກຸ່ມ​ບໍລິສັດ Carlsberg ເຊິ່ງ​ຜົນ​ການ​ສຳ​ຫຼວດ​ການ​ເຂົ້າ​ຮ່ວມ​ຂອງ​ບໍລິສັດ​ໃນ​ກຸ່ມ ລວມ​ມີ 21 ບໍລິສັດ​ເຂົ້າ​ຮ່ວມ ໂດຍ​ການ​ໃຫ້​ຄຳ​ໝັ້ນ​ສັນຍາ​ວ່າ​ຈະ​ມອດ​ໄຟຟ້າ 1 ຊົ່ວໂມງ​ໃນ​ຈຸດ​ທີ່​ບໍ່​ຈຳເປັນ ໃນ​ກິດຈະ​ກຳ​ດັ່ງກ່າວ ຍັງ​ເປັນ​ການ​ປູກ​ຈິດ​ສຳນຶກ​ໃນ​ການ​ປະຢັດ​ພະລັງງານ ແລະ ຫຼຸດຜ່ອນ​ພາວະ​ໂລກ​ຮ້ອນ ແລະ ໃຫ້​ທຸກ​ຄົນ​ມີ​ຄວາມ​ຕື່ນ​ໂຕ​ຮ່ວມ​ກັນ ​ຮັກສາ​ສະພາບ​ແວດ​ລ້ອມ​ຂອງ​ໂລກ​ໃຫ້​ດີ​ຂຶ້ນ.