ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

ເຂື່ອນໄຟຟ້ານ້ຳຕົກນ້ຳຈຽງກໍ່ສ້າງສຳເລັດ 44%


2015-02-25

ເຂື່ອນໄຟຟ້ານ້ຳຕົກນ້ຳຈຽງກໍ່ສ້າງສຳເລັດ 44%

   ວັນທີ 23 ກຸມພານີ້ ທີ່ແຂວງໄຊສົມບູນ ທ່ານ ລາວ ປາວຊົ່ງ ນະວົງໄຊ ຮອງເລຂາພັກແຂວງ ຮອງເຈົ້າແຂວງໄຊສົມບູນ ພ້ອມດ້ວຍຄະນະ, ຕາງໜ້າຝ່າຍບໍລິສັດຜູ້ຮັບເໝົາ CGGC ກໍ່ສ້າງນຳທີມ ໂດຍ ທ່ານ ຈູໂກຟິງ ຫົວໜ້າຄຸ້ມຄອງກໍ່ສ້າງພາກສະໜາມ,
ຝ່າຍ ຕາງໜ້າບໍລິສັດ ໄຟຟ້າລາວນຳ ໂດຍທ່ານ ແສງທະວີສັກ ຫົວໜ້າກອງກວດກາເຕັກນິກໄຟຟ້າລາວ ປະຈຳສະໜາມໄດ້ເຂົ້າ ຊົມການກໍ່ສ້າງເຂື່ອນໄຟຟ້ານ້ຳຕົກນ້ຳຈຽງເມືອງທ່າໂທມ.
   ໃນການເຂົ້າຊົມ ແລະ ຢ້ຽມຢາມໃນຄັ້ງນີ້ ທ່ານ ແສງທະ ວີສັກ ໄດ້ຂຶ້ນລາຍງານຄວາມ ພ້ອມ ແລະ ຄວາມຄືບໜ້າຂອງ ການກໍ່ສ້າງເຂື່ອນໄຟຟ້ານ້ຳ ຕົກນ້ຳຈຽງໃຫ້ຮູ້ວ່າ: ໂຄງການ ກໍ່ສ້າງດັ່ງກ່າວແມ່ນໄດ້ກວມ ເອົາເນື້ອທີ່ຂອງ 2 ແຂວງເຊັ່ນ: ແກນເຂື່ອນ ແລະ ເນື້ອທີ່ອ່າງ ໂຕ່ງ ແມ່ນຕັ້ງຢູ່ເມືອງຄູນແຂວງຊຽງຂວາງ, ສ່ວນເຮືອນ ຈັກແມ່ນຕັ້ງຢູ່ບ້ານຊຳກໍທອງ ເມືອງທ່າໂທມ ແຂວງໄຊສົມ ບູນ, ເຂື່ອນໄຟຟ້ານ້ຳຕົກນ້ຳ ຈຽງມີຂະໜາດສັນເຂື່ອນສູງ 93 ແມັດ, ຍາວ 305 ແມັດ, ສາມາດສ້າງກະແສໄຟຟ້າໄດ້ 104 ເມກາວັດ, ຜ່ານການລົງ ຕິດຕາມການເຈາະອຸມົງແມ່ ຂອງນ້ຳໄຫຼເຂົ້າເຮືອນຈັກທັງ ໝົດຍາວ 7.391 ແມັດ, ປະຈຸ ບັນແມ່ນເຈາະໄດ້ 1.960 ແມັດ, ສະເລ່ຍໄດ້ 26,51%, ວຽກງານເຈາະອຸມົງເຊື່ອມຕໍ່ ໄດ້ 12,90%, ວຽກບຸກເບີກ ແລວທໍ່ນ້ຳແຮງດັນ ທັງໝົດ 16,55%, ວຽກດິນຂຸດ ແລະ ຕັດສະຫຼົບເຮືອນຈັກໄດ້ 87%, ວຽກສາຍສົ່ງກະແສໄຟຟ້າ 115 KV ປະຈຸບັນກໍ່ສ້າງໄດ້ 99,135%, ວຽກກໍ່ສ້າງບ້ານ ພັກຖາວອນຂອງໄຟຟ້າສຳ ເລັດແລ້ວ 36% ພ້ອມກັນນັ້ນ, ທາງໂຄງການຍັງໄດ້ຈັດສັນ ຂອບເຂດກຳຈັດຂີ້ເຫຍື້ອເປັນ ລະບົບ, ແຍກສິ່ງເສດເຫຼືອທີ່ ເປັນອັນຕະລາຍ ເພື່ອກຳຈັດ, ສ້າງລະບົບປ້ອງກັນຝຸ່ນໃນ ເຂດໂຮງໂມ້ຫີນ, ປັບປຸງຄືນ ອ່າງເກັບນ້ຳເສຍ ແລະ ພ້ອມ ທັງສືບຕໍ່ແກ້ໄຂຈຳນວນຄອບ ຄົວຂອງປະຊາຊົນທີ່ໄດ້ຮັບຜົນ  ກະທົບຈຳນວນ 4 ຄອບຄົວ ແລະ ສົ່ງເສີມໃຫ້ປະຊາຊົນໄດ້ ມີອາຊີບຄົງທີ່, ສຳລັບວຽກຕໍ່ ໜ້າທາງໂຄງການຈະປະສານ ກັບຜູ້ຮັບເໝົາເພື່ອສະໜອງສັງ ກະສີ ແລະ ທໍ່ນ້ຳ ພ້ອມທັງຕອບ ສະໜອງໄມ້ໃຫ້ເພື່ອນຳໄປປຸກ ສ້າງເຮືອນໃໝ່ຂອງ 8 ຄອບ ຄົວ ທີ່ໄດ້ຮັບຜົນກະທົບຈາກ ເຂດບໍ່ດິນໜຽວ, ລົງສືບຕໍ່ຄິດ ໄລ່ອັດຕາຄ່າຊົດເຊີຍໃຫ້ຄອບ ຄົວທີ່ໄດ້ຮັບຜົນກະທົບຈາກ ສາຍສົ່ງຈຳນວນ 5 ຄອບຄົວ ໃຫ້ສຳເລັດ.