ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

ການກໍ່ສ້າງສາຍສົ່ງ 230 ກິໂລໂວນ ແຕ່ທ່າວຽງຫາທ່າບົກສໍາເລັດແລ້ວ 85%


2014-08-28

ການກໍ່ສ້າງສາຍສົ່ງ 230 ກິໂລໂວນ ແຕ່ທ່າວຽງຫາທ່າບົກສໍາເລັດແລ້ວ 85%

   ຕາມການເປີດເຜີຍຂອງທ່ານ ຕູ່ ຊຶຊຸນ ຜູ້ຈັດການໃຫຍ່ໂຄງການກໍ່ສ້າງສາຍສົ່ງ 230 ກິໂລໂວນ ຈາກທ່າວຽງ ແຂວງ ໄຊສົມບູນຫາທ່າບົກ ແຂວງບໍຄຳໄຊ, ຊຶ່ງເປັນໂຄງການຂອງໄຟຟ້າລາວ, ຮັບເໝົາກໍ່ສ້າງຕິດຕັ້ງໂດຍບໍລິສັດ (CWE) ມີຫ້ອງ ການພາກສະໜາມຕັ້ງຢູ່ບ້ານສີວິໄລ ເມືອງປາກຊັນ ແຂວງບໍລິຄຳໄຊໄດ້ແຈ້ງຕໍ່ນັກຂ່າວ ແຂວງບໍລິຄຳໄຊ ໃນທ້າຍ ເດືອນສິງຫາ ຜ່ານມາວ່າ: ໂຄງການດັ່ງກ່າວແມ່ນໄດ້ເລີ່ມລົງມືກໍ່ສ້າງມາແຕ່ເດືອນທັນວາປີ 2012 ຈຸດເລີ່ມແຕ່ທ່າວຽງຫາ ທ່າບົກ, ປະກອບມີ 2 ສະຖານີໄຟຟ້າ, ລວມມີຄວາມຍາວ ທັງໝົດ 154 ກິໂລແມັດ ລວມ ມູນຄ່າການກໍ່ສ້າງທັງໝົດປະ ມານ 100 ກວ່າລ້ານ ໂດລາສະຫະລັດ, ໃນນັ້ນທຶນສົມທົບຂອງ ລັດຖະບານລາວ 5% ເຫັນວ່າ ມາຮອດປະຈຸບັນໄດ້ສຳເລັດ ໄປແລ້ວ 85% ແລະ ຄາດວ່າຈະໃຫ້ສຳເລັດການກໍ່ສ້າງ ແລະ ພ້ອມເປີດສົ່ງກະແສໄຟຟ້າໃຫ້ແກ່ພໍ່ແມ່ປະຊາຊົນໄດ້ຊົມໃຊ້ ໃນປີ 2015 ທີ່ຈະມາເຖິງ. ທ່ານ  ຕູ່ ຊຶຊຸນ ຍັງລາຍງານອີກ ວ່າ: ໄປຄຽງຄູ່ກັບການກໍ່ສ້າງ ໂຄງການດັ່ງກ່າວທາງ ບໍລິສັດ ຍັງໄດ້ປະກອບສ່ວນເຂົ້າສ້ອມ ແປງເສັ້ນທາງຈຸດຕ່າງໆລຽບຕາມແລວສາຍໄຟ ເພື່ອເຮັດໃຫ້ປະຊາຊົນໄປມາຫາສູ່ກັນໄດ້ສະດວກຂຶ້ນ. 
   ນອກຈາກວຽກງານດັ່ງກ່າວແລ້ວ ຍັງໄດ້ຊ່ວຍທຶນພັດທະນາດ້ານການສຶກສາເປັນຕົ້ນຊ່ວຍສ້າງເດີ່ນກິລາບານບ້ວງພ້ອມອຸປະ ກອນ ກິລາຈຳນວນໜຶ່ງ, ຖົມດິນໃນຂອບເຂດໂຮງຮຽນປະຖົມສົມບູນບ້ານສີວິໄລ ແລະ ຍັງຈະໄດ້ໃຫ້ການຊ່ວຍເຫຼືອດ້ານອື່ນ  ຈຳນວນໜຶ່ງ.