ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

2020 ຈະມີແຫຼ່ງຜະລິດໄຟຟ້າເຖິງ 90 ແຫ່ງ


2017-07-10

ປັດຈຸບັນ ພັກ-ລັດຖະບານລາວ ໄດ້​ສຸມ​ໃສ່​ພັດທະນາ​ແຫຼ່ງຜະລິດ​ພະລັງງານ​ໄຟຟ້າ ດ້ວຍການ​ນຳ​ໃຊ້​ຫຼາຍ​ທ່າແຮງ​ທີ່​ບົ່ມຊ້ອນ ແນໃສ່​ຈັດ​ສັນ ແລະ ນຳ​ໃຊ້ແຫຼ່ງ​ຊັບພະຍາກອນ​ທຳ​ມະ​ຊາດໃຫ້​ມີ​ປະ​ສິດທິ​ຜົນ​ສູງ ຕາມ​ທິດ​ພັດທະ​ນາ​ໄຟຟ້າ​ເປັນ​ມິດ​ກັບ​ສິ່ງ​ແວດລ້ອມ ໂດຍ​ສະເພາະແມ່ນ ​ການຜະລິດ​ພະລັງງານ​ສະອາດ ແລະ ຍືນ​ຍົງ ເພື່ອ​ສ້າງ​ໃຫ້​ລາວ​ເຮົາກາຍເປັນ​ຜູ້​ສະໜອງ​ໄຟຟ້າ​ແກ່​ບັນດາ​ປະເທດ​ໃນ​ພາກ​ພື້ນ ​ນັບ​ມື້​ສູງຂຶ້ນ​ເປັນ​ກ້າວໆ.

ເພື່ອ​ຮັບປະກັນ​ໃນ​ການ​ຈັດຕັ້ງ​ປະຕິບັດ​ວຽກ​ງານ​ດັ່ງກ່າວ ​ໃຫ້ປະສົບ​ຜົນສຳເລັດ​ຕາມ​ແຜນ​ວາງໄວ້ ຂະແໜງ​ພະລັງງານ ແລະ ບໍ່​ແຮ່ ໄດ້​ວາງ​ວິ​ໃສ​ທັດ​ຮອດ​ປີ 2030 ຍຸດ​ທະ​ສາດ 2025 ແລະ ແຜນ​ພັດທະນາ​ພະລັງງານ-ບໍ່​ແຮ່ 5 ປີ (2016-2020) ໂດຍ​ໃນປັດຈຸບັນ ກຳລັງ​ສຸມ​ໃສ່​ພັດທະນາແຫຼ່ງ​ຜະລິດ​ໄຟຟ້າ ຈຳນວນ 48 ໂຄງການ ໃນ​ຂອບ​ເຂດ​ທົ່ວ​ປະເທດ ມີ​ກຳລັງ​ການ​ຕິດ​ຕັ້ງປະມານ 5.000 ເມ​ກາ​ວັດ ສາມາດຜະລິດ​ພະລັງງານ​ໄຟຟ້າ​ໄດ້​ປະມານ 27.000 ກິ​ໂລ​ວັດ​ໂມງ/ປີ ໃນ​ນັ້ນ ມີ​ພະລັງງານ​ໄຟຟ້າ​ນ້ຳຕົກ 43 ໂຄງການ ໂຮງງານ​ໄຟຟ້າ​ຄວາມ​ຮ້ອນ​ຖ່ານ​ຫີນ 3 ໂຄງການ ແລະ ໂຮງງານ​ຜະລິດ​ໄຟຟ້າ​ແສງ​ຕາເວັນ ແລະ ລົມອີກ 2 ໂຄງການ ຖ້າ​ບັນດາ​ໂຄງການ​ດັ່ງກ່າວ​ສຳເລັດ​ພາຍ​ໃນ​ປີ 2020 ​ສປປ ລາວ ຈະ​ມີ​ແຫຼ່ງ​ຜະລິດ​ໄຟຟ້າ​ສູງ​ເຖິງ 90 ແຫ່ງ ມີ​ກຳລັງການ​ຕິດ​ຕັ້ງ​ປະມານ 10.000 ເມກາ​ວັດ ສາມາດ​ຜະລິດ​ພະລັງງານ​ໄດ້​ກວ່າ 60.000 ກິ​ໂລ​ວັດໂມງ/ປີ.