ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

ເປີດບໍລິສັດ ໂກເວໂປ-ລາວສາກົນ ຢູ່ນະຄອນຫຼວງວຽງຈັນ


2017-07-10

Korea Western Power ບໍລິສັດ​ຂອງ​ລັດຖະບານ ສ ເກົາຫຼີ ທີ່​ມີ​ຄວາມ​ສາມາດ​ໃນການຜະລິດ​ພະລັງງານ​ໄຟຟ້າ ຈັດ​ຫາກະແສ​ໄຟຟ້າ​ຈາກ​ພະລັງງານລົມ ພະລັງງານ​ແສງ​ອາທິດ ພະລັງ​ງານ​ນ້ຳ ພະລັງງານ​ເຊື້ອ​ເພີງ ແລະ ອື່ນໆ ທັງ​ເປັນ​ບໍລິສັດ​ໃຫ້ຄຳ​ປຶກສາ​ທາງ​ດ້ານ​ການ​ເບິ່ງແຍງ​ການ​ດຳເນີນ​ງານ ແລະ ບຳລຸງ​ຮັກສາ​ກ່ຽວ​ກັບ​ພະລັງງານທົ່ວ​ໂລກ ໄດ້​ເປີດ​ບໍລິສັດ​ສາຂາຂອງ​ຕົນ “ບໍລິສັດ​ໂກ​ເວ​ໂປ-ລາວສາກົນ (O&M)” ຂຶ້ນຢູ່​ນະຄອນຫຼວງ​ວຽງ​ຈັນ ເພື່ອ​ເບິ່ງແຍງ​ການດຳເນີນ​ງານ ແລະ ບຳລຸງ​ຮັກສາເຂື່ອນ​ໄຟຟ້າ​ພະລັງງານ​ນ້ຳ​ເຊປຽນ-ເຊ​ນ້ຳ​ນ້ອຍ ແຂວງ​ອັດ​ຕະປື.

ພິທີ​ເປີດ​ບໍລິສັດ ໂກ​ເວ​ໂປ-ລາວ​ສາກົນ (O&M) ເປັນ​ທາງການ ໄດ້​ຈັດ​ຂຶ້ນວັນ​ທີ 14 ທັນວາ 2016 ຢູ່​ບໍລິສັດ​ດັ່ງກ່າວ (ອາຄານ​ຫ້ອງການ ສູນ​ການ​ຄ້າ​ວຽງຈັນ​ເຊັນ​ເຕີ) ໂດຍ​ມີ​ທ່ານ ຄຳ​ມະນີ ອິນ​ທິ​ລາດ ລັດຖະມົນຕີ​ກະຊວງ​ພະລັງງານ ແລະ ບໍ່​ແຮ່ ທ່ານ Yung Chul Jung ຮອງປະທານ​ບໍລິສັດ Korea Western Power ພ້ອມ​ດ້ວຍ​ຜູ້​ຕາງໜ້າ​ຈາກ​ສະຖານທູດ ສ.ເກົາຫຼີ ປະຈຳ​ລາວ ແລະ ແຂກ​ຖືກ​ເຊີນ​ເຂົ້າ​ຮ່ວມ.

ທ່ານ Young Park ປະທານ​ບໍລິສັດ​ ໂກ​ເວ​ໂປ-ລາວ​ສາກົນ ໄດ້​ກ່າວ​ວ່າ: ພວກ​ເຮົາ​ໄດ້​ຮັບ​ໃບ​ອະນຸຍາດ​ດຳເນີນ​ທຸລະ​ກິດຈາກ​ລັດຖະບານ​ລາວ ໃນ​ວັນ​ທີ 2 ກັນຍາ 2016 ໄດ້​ຮັບ​ໃບ​ເສຍ​ພາສີ​ອາກອນ ວັນ​ທີ 30 ກັນຍາ2016 ແລະ ໄດ້​ສຳເລັດ​ການສ້າງຕັ້ງ​ບໍລິສັດ O&M ໂດຍໄດ້​ຮັບ​ໃບຢັ້ງຢືນ​ການ​ນຳ​ເຂົ້າ​ທຶນ ວັນ​ທີ 18 ພະຈິກ 2016 ຂະນະ​ດຽວ​ກັນ​ກໍ່​ໄດ້ຕັ້ງ​ຊື່​ບໍລິສັດ O&M ເປັນ “KLIC” ເຊິ່ງ​ຫຍໍ້​ມາຈາກ​ໂກ​ເວໂປ-ລາວ​ສາກົນ ປັດຈຸບັນ ພວກ​ເຮົາ​ກຳລັງ​ຈັດ​ໂຄງ​ຮ່າງ​ບໍລິສັດ ເປັນຕົ້ນ ການ​ຈັດ​ຫາ​ງົບປະມານຮັບ​ພະນັກງານ​ໃໝ່ ເຝິກອົບຮົມພະນັກງານ​ໃຫ້​ມີ​ຄຸນະພາບ ເພື່ອໃຫ້​ສອດຄ່ອງ​ຕາມ​ການ​ວ່າ​ຈ້າງ ຈາກ​ນັ້ນ​ຈະ​ເລີ່ມ​ໄລຍະ​ກ່ອນ​ການດຳເນີນ​ງານ​ໃນເດືອນ​ກຸມພາ 2017 ແລະ ເລີ່ມ​ດຳເນີນ​ງານ​ເປັນ​ທາງ​ການ​ໃນ​ເດືອນ​ກຸມພາ 2019 ເຊິ່ງ​ພາຍຫຼັງ​ສຳເລັດ​ການ​ວ່າ​ຈ້າງ​ຕ່າງໆ ພວກ​ເຮົາ​ຈະ​ປະຕິບັດ​ຕາມ​ຂໍ້​ກຳນົດ​ກົດໝາຍ​ຂອງ ​ສປປ ລາວ ຢ່າງ​ເຂັ້ມ​ງວດ ແລະ ທຳ​ການ​ຜະລິດ​ໄຟຟ້າ​ທີ່​ມີ​ຄຸນະພາບ​ສູງ ​ຕະຫຼອດ​ໄລຍະ​ໂຄງການ​ເຂື່ອນ​ໄຟຟ້າ​ພະລັງງານ​ນ້ຳ​ເຊ​ປຽນ-ເຊ​ນ້ຳນ້ອຍ 27 ປີ.