ບົດສູນທອດພົດ ກ່າວປິດກອງປະຊຸມ ສະໄໝສາມັນເທື່ອທີ 5 ຂອງສະພາແຫ່ງຊາດ ຊຸດທີ VII

ລາວ-ສ ເກົາຫຼີ ຮ່ວມມືວຽກງານສາຍສົ່ງສະຖານີໄຟຟ້າ


2017-08-08

ລັດ​ວິ​ສາ​ຫະ​ກິດ​ໄຟຟ້າ​ລາວ ແລະ ລັດ​ວິ​ສາ​ຫະ​ກິດ​ໄຟຟ້າ ສ ເກົາຫຼີ ໄດ້​ຈັດ​ພິທີ​ເຊັນ​ບົດ​ບັນທຶກຄວາມ​ເຂົ້າໃຈ ​ການ​ຮ່ວມ​ມື​ດ້ານວຽກ​ງານ​ສາຍ​ສົ່ງ ແລະ ສະ​ຖານີ​ໄຟຟ້າ​ລະຫວ່າງ​ລັດ​ວິ​ສາ​ຫະ​ກິດໄຟຟ້າ​ລາວ ເພື່ອ​ປັບປຸງ​ສະຖານີໄຟຟ້າ​ເກົ່າ​ແກ່​ໃຫ້​ເປັນ​ແບບ​ອັດຕະ​ໂນ​ມັດ​ໃນ​ສະຖານີ​ໄຟຟ້າຕ່າງໆ.

ການ​ລົງ​ນາມ​ໃນ​ບົດ​ບັນທຶກຄວາມ​ເຂົ້າໃຈ​ສະບັບ​ນີ້ ຂັ້ນ​ຕອນທຳ​ອິດ​ຈະ​ຈັດ​ໃຫ້​ມີ​ການ​ເຝິກ​ອົບຮົມ​ໃຫ້​ວິສະວະກອນ​ໄຟຟ້າ​ລາວ ແລະ ຕິດ​ຕັ້ງ​ລະບົບ​ເຝິກ​ອົບ​ຮົບສະຖານີ​ໄຟຟ້າ ກ່ອນ​ຈະ​ມີ​ການສຳ​ຫຼວດ​ສຶກ​ສາ​ຄວາມ​ເປັນ​ໄປ​ໄດ້ ກ່ຽວ​ກັບ​ການ​ປ່ຽນແປງ​ສະຖານີໄຟຟ້າ​ແຫ່ງ​ໜຶ່ງ​ຈາກ​ແບບ​ກາງແຈ້ງ​ມາ​ເປັນ​ແບບ​ໃນ​ຮົ່ມ (Gas Insulation Switchgear) ນອກນັ້ນ ໃນ​ກາງ​ເດືອນ​ສິງຫາ 2017 ທີ່​ຈະ​ມາ​ເຖິງ​ນີ້ ວິສະວະກອນ​ໄຟຟ້າ​ລາວ​ຈຳນວນ​ໜຶ່ງ ​ຈະ​ໄປ​ຢ້ຽມຢຽມ​ຮຽນ​ຮູ້​ເຕັກນິກ​ຂອງ​ວຽກງານ​ໄຟຟ້າ​ຢູ່ ສ ເກົາຫຼີ ເພື່ອ​ນຳມາ​ໝູນ​ໃຊ້​ເຂົ້າ​ໃນ​ລະບົບ​ຂອງ​ສະຖາ​ນີ​ຂອງ​ລັດ​ວິ​ສາ​ຫະ​ກິດ​ໄຟຟ້າລາວ ໃນ​ຂອບ​ເຂດ​ທົ່ວ​ປະເທດ ເຊິ່ງ​ຈະ​ສາມາດ​ຍົກ​ລະດັບ​ເຕັກນິກ​ຂອງ​ໄຟຟ້າ​ລາວ​ໄດ້​ອີກ​ຂັ້ນໜຶ່ງ.

ບົນ​ພື້ນຖານ​ບົດ​ບັນທຶກ​ຄວາມເຂົ້າໃຈ​ຄັ້ງ​ນີ້​ ທັງ​ສອງ​ຝ່າຍ​ຈະສາມາດ​ຮ່ວມ​ມື​ກັນ​ຂະຫຍາຍ​ກິດຈະ​ການ​ໄຟຟ້າ ​ເຂົ້າ​ສູ່​ບັນດາ​ປະເທດ​ໃນ​ພາກ​ພື້ນ ເຊັ່ນ: ມຽນ​ມາ ຫວຽດນາມ ໄທ ແລະ ກຳປູເຈຍ ລວມ​ທັງ​ລາວ.

ໄຟຟ້າ ສ ເກົາຫຼີ ແມ່ນ​ລັດ​ວິ​ສາຫະ​ກິດ​ພະລັງງານ​ທີ່​ນຳ​ໜ້າ​ໃນໂລກ ​ທີ່​ມີ​ຄວາມ​ຊ່ຽວຊານ ແລະ ປະສົບ​ການ​ຫຼາຍ​ກວ່າ 60 ປີ ໃນຂະແໜງ​ພະລັງງານ​ເຊິ່ງ​ປະກອບມີ ດ້ານ​ການ​ຜະລິດ​ໄຟຟ້າ​ສາຍສົ່ງ ສະຖານີ​ໄຟຟ້າ​ຈຳໜ່າຍ ແລະ ການ​ຂາຍ​ໄຟຟ້າ​ເປັນຕົ້ນ ພ້ອມ​ນີ້ ໄຟຟ້າ ສ ເກົາຫຼີ ມີ​ອັດຕາພະລັງງານ​ຕົກເຮ່ຍ​ໃນ​ລະບົບ​ສົ່ງ ແລະ ລະບົບ​ຈຳໜ່າຍ​ພຽງ 3,6% ໄຟຟ້າ ສ ເກົາຫຼີ ໄດ້​ຖືກຈັດ​ເປັນ​ອັນ​ດັບ​ທີ 1 ຂອງ​ໂລກ ຈັດໂດຍ​ຟອບສ໌ (Forbes) ໃນ​ປີ 2016 ມີ​ພະນັກງານ 45.000 ຄົນ ລວມ​ທັງ​ບໍລິສັດ​ລູກ ມີ​ກຳລັງຕິດ​ຕັ້ງ​ລວມ​ພາຍ​ໃນ​ປະເທດແມ່ນ 97.649 ເມ​ກາ​ວັດ ແລະ ມີ​ກຳລັງ​ຕິດ​ຕັ້ງ​ຢູ່​ຕ່າງປະເທດ​ອີກ 5.394 ເມ​ກາ​ວັດ.

ພິທີ​ເຊັນ​ບົດ​ບັນທຶກ​ຄວາມ​ເຂົ້າໃຈ​ຄັ້ງ​ນີ້ ຈັດ​ຂຶ້ນ​ທີ່​ສຳນັກງານໃຫຍ່ ລັດ​ວິ​ສາ​ຫະ​ກິດ​ໄຟຟ້າ​ລາວ ໃນ​ວັນ​ທີ 18 ກໍລະກົດ 2017 ໂດຍ​ການ​ລົງ​ນາມລະຫວ່າງທ່ານ ບຸນ​ອູ້ມ ສີ​ວັນເພັງ ຜູ້​ອຳນວຍ​ການ​ໃຫຍ່ ລັດ​ວິ​ສາ​ຫະ​ກິດໄຟຟ້າ​ລາວ ແລະ ທ່ານ ກິມແທອຳ ຮອງ​